किन कलेजका विद्यार्थीहरुले असुरक्षित यौनसम्पर्क गर्छन्.....

कलेज पढ्ने विद्यार्थीहरु असुरक्षित यौन क्रियाकलापमा
संलग्न हुनुमा उनीहरुको अस्थीर जिवनशैली मुख्य कारक
तत्वको रुपमा रहेको अमेरिकामा गरिएको एक अध्ययनले
देखाएको छ । इलिनोइस विश्वविद्यालयका शेाधकर्ताका
अनुसार आफ्नो जिवनमा आइरहने लगातारका संक्रमणहरुका
कारण युवायुवतीहरुले प्रसस्त अस्थीरता अनुभुत गर्दछन् र
सोही कराण असुरक्षित यौन क्रियाकलापमा संलग्न हुन
पुग्छन् ।
२१ वर्षमुनिका ३९८ जना कलेज पढ्ने विद्यार्थीहरुमा यो
अध्ययन गरिएको थियो । शोधकर्ताहरुका अनुसार
दीर्घकालीन सम्बन्ध नहुने पार्टनरसँग पनि सेक्स गर्ने, साथी
तथा नयाँ मानिससँग पनि योजनावीहिन, भद्रगोल तथा
भैरपरी सेक्स गर्ने तथा झट्कापूर्ण यौन व्यवहारलाई
जोखिमपूर्ण सेक्सको रुपमा औल्याएका छन् । जिवनमा जति
अस्थीरता महसुस भयो विद्यार्थीहरु उति नै बढि
जोखिमपूर्ण यौन क्रियाकलापमा सहभागी हुने गरेको शोधकर्ताहरुको ठम्याइ छ । यसको मुख्य कारण उनीहरुको भौतिक तथा संवेगात्मक
थकान र विवेकशील रुपमा सोँच्ने क्षमतामा ह्रास हुनु हो ।
१८ देखि २५ वर्षका युवायुवतीहरुमा अभिभावकबाट पाउने स्वतन्त्रतामा वृद्धि हुँदै गइरहेकेा छ । सोही स्वतन्त्रताको उपयोगका क्रममा
उनीहरुले धेरै खाले प्रयोग गर्ने गर्छन र आफ्नो रोमान्टिक पहिचानको खोजी गर्दछन् । अनलाइन खबर बाट साभार