ओएस नेपाल, काठमाडौं, १५ फागुन – वैदेशिक रोजगारीका लागि मलेसियामा रहेका कैलाली चौमाला गाविस राजीपुरका जंगबहादुर विकको युवा समूहको आक्रमणमा परी ज्यान गएको छ । फागुन २ गते घरमा पैसा पठाउन बैंक जाँदै गरेका बिकलाई युवा समुहले आक्रमण गरेको थियो। आक्रमणमा परी घाइते भएका बिकको मलाक्का अस्पतालमा उपचारका क्रममा गएको ७ गते ज्यान गएको हो। हत्यामा संलग्नलाई मलेसियन प्रहरीले पक्राउ गरेको परिवारले जानकारी दिए । बिक ३ वर्षअघि मलेसिया जानुभएको थियो । बिकका बुबा, श्रीमती, ९ वर्षका छोरा र भाइ छन् ।
एक हप्ता भैसक्दा समेत शव घर ल्याउन नसकेकोमा परिवार चिन्तित छन् । बिकलाई मलेसिया पठाउने ललितपुर कुनाल इम्प्लोइमेन्ट सर्भिस प्रालिका मेनेजर गोपाल बराइलीले नेपालबाट आवश्यक कागजात पठाएपनि अस्पतालले दिने ‘डेथ सर्टिफिकेट’ आउन तथा कम्पनी र दूतावासबाट प्रक्रिया पूरा हुन कम्तिमा अझै एक हप्ता लाग्ने छ ।
0 comments:
Post a Comment