फालिएको बेवारिसे शिशुको जीवितै उद्धार

मोरङ, जन्मनेबित्तिकै फालिएको अवस्थामा विराटनगर– ६ पिपलचोकमा आज सालनालसहितको एक बेवारिसे शिशु फेला परेको छ ।
महिलाले लगाउने स्विटरमा बेरेर फालिएको अवस्थामा स्थानीय बासिन्दाले सडक किनारमा नवजात शिशु देखेपछि उनलाई जीवितै उद्धार गरी प्रहरीलाई बुझाइएकामा प्रहरीले उपचारका लागि कोसी अञ्चल अस्पताल विराटनगरमा लगेको छ ।
तीन केजी तौल रहेको शिशु स्वस्थ्य रहे पनि शिशु कक्षमा राखेर चिकित्सकको निगरानीमा रेखदेख, स्वास्थ्य परीक्षण र प्राथमिक उपचार गर्ने काम भइरहेको अस्पतालका मेडिकल सुपरिटेन्डेन्ट डा रोशन पोखरेलले बताउनुभयो ।
सो बारेमा अनुसन्धान सुरु गरिएको जानकारी दिँदै मोरङ प्रहरी उपरीक्षक सन्दीप भण्डारीले रेखदेख र लालनपालनसहित शिशु जिम्मा लिन कोही आएमा कानुनी प्रक्रिया पूरा गरेर आउनका लागि आह्वान गर्नुभयो । News24Nepal.com बाट