पूरा होला त आलियाको यो इच्छा?

बलिउडमा आलियाको करियरको रफ्तार सहि गति अनुसार अघि बढिरहेको छ। उनले गरेका फरक फरक खाले भूमिका लागि उनले प्रशंसा पनि पाइरहेकी नै छन्। उनका पछाडि राम्रा फिल्मको ताँती नै छ। सरसर्ती हेर्दा आलियाले चाहेजस्तो नै भइरहेको छ तर हालै एक कार्यक्रममा भने आलियाले आफूले चाहेको एउटा इच्छा व्यक्त गरेकी छन्।
उनलाई त्यो चाहाना पूरा होस भन्ने ठूलो व्यग्रता पनि छ। उनी प्रशिद्द निर्देशक मणिरत्नमसँग काम गर्न चाहन्छिन्। हुन त 'दिल से', 'गुरू' जस्ता फिल्म निर्देशकसँग काम गर्ने चाहना कसलाई नहोला र? आलियाका अनुसार उनका बाबुले संधै उनलाई भारतका अन्य क्षेत्रिय फिल्म हेर्न सुझाइ रहन्छन्। उनका बाबु महेश भट्टले आलियालाई बंगाली फिल्म गर्ने सुझाव पनि दिएका छन्।
उनले भनिन्, 'उहाँले मलाई बंगाली फिल्ममा काम गर्नुपर्छ भन्नु भएको छ. म सदैव मणिरत्नमसँग काम गर्न चाहन्थे। मलाई मणि सरसँग काम गरूँ गरूँ लागिरहेको छ।' यसअघि मणिरत्नमको फिल्म 'ओ कधल कनमणी'मा आलिया र सलमानले मणिरत्नमसँग काम गर्ने चर्चा चलेको थियो। आलियाको इच्छा छिट्टै पूरा होस्।
Setopati बाट