फागुन २६ – च्याम्पियन्स लिगका सर्वाधिक गोलकर्ता स्पेनिस क्लब रियल मड्रिडका क्रिष्टियानो रोनाल्डोले च्याम्पियन्स लिगमा ९० औं गोल गरेका छन् ।
च्याम्पियन्स लिगको प्रिक्वाटर फाइलन अन्तर्गत मंगलबार राति रोमासँग भएको दोस्रो लेगमा एक गोल गरेका रोनाल्डोले अहिलेसम्म च्याम्पियन्स लिगमा छनौट चरणसहित ९० गोल गरेका छन् ।
मंगलबारको खेलमा २–० ले विजयी भएको रियल मड्रिड समग्रमा ४–० को जितसहित क्वाटर फाइनलमा प्रवेश गरेको छ । उनले यो सिजन सबै प्रयोगितामा ४० गोल गरेका छन् । उनले यो सिजन ला लिगामा २७ तथा च्याम्पियन्स लिगमा १३ गोल गरिसकेका छन् । च्याम्पियन्स लिगको सर्वकालिन सर्वाधिक गोलकर्ताको सूचीमा पहिलो नम्बरमा रहेका रोनाल्डोले इंग्लिस क्लब म्यानचेस्टर युनाइटेड र स्पेनिस क्लब रियल मड्रिडको तर्फबाट अहिलेसम्म ९० गोल गरेका हुन् । दोस्रो स्थानमा बार्सिलोनका लियोनल मेस्सी छन् । उनले अहिलेसम्म ८२ गोल गरेका छन् । मेस्सीले यो सिजन च्याम्पियन्स लिगामा अहिलेसम्म पाँच गोल मात्रै गरेका छन् ।
- Ujyaaloonline बाट
0 comments:
Post a Comment