बलिउड गायक शाहिद माल्याले राजधानीको मल्ल होटलमा गीत सुनाउने भएका छन्। थुप्रै बलिउड फिल्मका पाश्र्व गायक माल्याले आज साँझ सुफी इलेक्ट्रो कन्सर्टमा आफ्ना गीत प्रस्तुत गर्ने भएका हुन्।
सन् २०११ बाट पाश्र्व गायनमा प्रवेश गरेका माल्याले अभिनेता पंकज कपुरले निर्देशन गरेको फिल्म ‘मौसम’बाट पाश्र्व गायन सुरु गरेका थिए। त्यसयता उनले ‘यमला पगला दिवाना, ‘टु स्टेट्स’ ‘मेरे ब्रदर कि दुल्हन’, ‘स्टुडेन्ट अफ दि इयर’ ‘गुण्डे’ ‘फ्यान्टम’ जस्ता फिल्ममा गीत गाइसकेका छन्।
कन्सर्टका लागि शाहिद अहिले केहि बेरमा काठमाडौं ओर्लदैछन्।
उनले कार्यक्रममा बलिउड फिल्मसँगै सुफी गीतहरु सुनाउने जानकारी आयोजक नाजिरले दिएका छन्। उनले चर्चाका हिसाबले शाहिद अन्य बलिउड गायक भन्दा पछि भएपनि गायनमा अब्बल रहेको बताए।
‘इलेक्ट्रो सुफी नेपाली संगीत पारखीका लागि नौलो कुरा हो। कार्यक्रम आउनेले नयाँ स्वादको संगीत सुन्न पाएको महसुस गर्नुहुनेछ,’ नाजिरले भने।
कार्यक्रम लैनचौर स्थित मल्ल होटलमा बेलुकी ७ बजेबाट सुरु हुनेछ । उनको गायनपछि डिजे सेसन हुने आयोजकले जनाएको छ। नाजिरले निरन्तर रुपमा सांगीतिक कार्यक्रम गर्ने र यसपछि बलिउड र्यापार बादशाह र गायक अंकित तिवारीलाई ल्याउने तयारी पूरा भईसकेको जनाएको छ।
Setopati बाट
0 comments:
Post a Comment