उर्मिला पनि गरिन व्यापारीसँग सुटिक्क विहे

केहि दिन अगाडी प्रीति जिन्टाले लस एन्जल्सना आफ्नो ब्वाइफ्रेन्डसँग सुटुक्क बिहे गरिन्। यसरी सुटुक्क विहे गर्नमा अर्कि बलिउड अभिनेत्री उर्मिला मातोन्डकर पनि थपिएकी छन्। ४२ वर्षिय 'रंगिला' फेम अभिनेत्रीले कश्मिरका व्यापारी मोहसिन अख्तर मिरसँग सुटुक्क बिहे गरेकी हुन्। उनको विवाहमा बलिउडबाट डिजाइनर मनिष मल्होत्रामात्र सहभागी भएका थिए। मनिष उर्मिलाका अत्यन्त निकटका साथी हुन्।
उर्मिलाले हिन्दु परम्पराअनुसार बिहिबार आफ्नो मुम्बईस्थित निवासमा मिरसँग बिबाह गरेकी हुन्। उर्मिला बलिउडमा बालकलाकारका रूपमा प्रवेश गरेकी थिइन्। मनिषले ट्विटरमा उर्मिलाको विवाहको फोटो पोस्टा गर्दै उर्मिलाको विहे सार्वजनिक गरेका हुन्। विवाहपछि प्रतिक्रिया दिंदै उर्मिलाले पारिवारिक सल्लाह अनुसार नै विवाहलाई परिवारका माझमात्र सिमित गरेको बताइन्।