काभ्रे, २६ मंसिर । प्रधानमन्त्री केपी शर्मा ओलीले
कांग्रेस महाअधिवेशनका लागि गुप्तबास बस्दै गर्दा
यो सरकारले देशको मुहार फेर्ने बताउनु भएको छ ।
नेकपा एमालेका अध्यक्ष समेत रहनु भएका प्रधानमन्त्री
ओलीले एमाले काभ्रेको नवौँ जिल्ला अधिवेशन
उद्घाटन गनुहुँदै कांग्रेस महाअधिवेशनमा हराउँदै गर्दा
एमाले देशको समृद्धि र भूकम्पबाट थलिएकाहरुका
लागि काम गरेर देखाउने बताउनुभयो । ‘जब देशले
विकासको काँचुली फेर्ने छ, तब कांग्रेस छक्क पर्नेछ,’
उहाँले भन्नुभयो । कांग्रेसको स्वार्थका कारण
पुनर्निर्माण प्राधिकरण ओझेलमा परेको आरोप उहाँले
लगाउनुभयो । ‘काग्रेसको सत्ता मोह र व्यक्ति
मोहका कारण पुनर्निर्माण प्राधिकरण ओझेलमा
परेको छ ।’
प्रधानमन्त्री ओलीले संविधान समय अनुसार
आवश्यकता अनुसार र माग अनुसार परिमार्जन गर्न
सकिने स्पष्ट पार्नुभयो । उहाँले संविधानले कसैलाई धेरै
अधिकार र कसैलाइ थोरै अधिकार नदिएको
बताउनुभयो । उहाँले कांग्रेसका कारण विकास
निर्माण र तराईका समस्या हल गर्न असहज भएको
जिकिर गर्नुभयो ।
विकास निर्माण र लोडसेडिङ आगामी तिहारबाट
अन्य हुने प्रधानमन्त्री ओलीले दावी गर्नुभयो । उहाँले
सौर्य उर्जा, वायु उर्जाको विकासमा यही
सरकारले काम गर्ने स्पष्ट पार्नुभयो । पूर्वपश्चिम
राजमार्ग, छिमेकी देश चिनसंग जोडिएको अरनीको
राजमार्ग र फस्ट ट्रयाक निर्माण एवं ट्रली बस
सञ्चालनलाई यही सरकारले स्तरउन्नती गर्नेमा
प्रधानमन्त्री ओलीले प्रतिबद्धता जनाउनुभयो ।
उहाँले सरकार बाहिर रहेका दलहरुलाइ सरकारलाई
सहयोग गर्न आग्रह समेत गर्नुभयो ।
0 comments:
Post a Comment