सहकारीबाट ४९ मेगावाटको खिम्ती–२ जलविद्युत् आयोजना निर्माण हुने...

दोलखा, पुस १६ । पिपुल्स हाइड्रो सहकारी
संस्था लिमिटेडले ४८ दशमलव ८ मेगावाट
क्षमताको खिम्ती–२ जलविद्युत् आयोजना
निर्माण गर्ने भएको छ ।
दोलखाको पूर्वी जिरी नगरपालिका र
रामेछापको रस्नालु गाविस हुँदै बग्ने खिम्ती
खोलामा पिपुल्स सहकारी, नयाँबानेश्वर,
काठमाडौंले खिम्ती–२ जलविद्युत् आयोजना
निर्माण गर्ने जनाएको हो ।
दोलखा
र रामेछापको स्थानीयहरुको सेयर लगानीमा
निर्माण हुने आयोजनाको लागत करिब ७ अर्ब
५० करोड अनुमान गरिएको सहकारीका
उपाध्यक्ष देवबहादुर पौडेलले बताए ।
वातावरणीय प्रभाव मूल्यांकन (आइइ)
प्रतिवेदनअनुसार आयोजना निर्माण गर्दा
दोलखाको हावा गाविस र जिरी
नगरपालिका (साविक जिरी र
ठूलोपाताल) तथा रामेछापको रस्नालु
गाविस प्रभावित हुने उल्लेख छ ।
वि.सं. २०७८ बाट विद्युत् उत्पादन लक्ष्य
लिएको आयोजनाले २०७२ असोज १४ मा
नेपाल विद्युत् प्राधिकरणसँग विद्युत् खरिद
सम्झौता (पीपीए)समेत गरिसकेको सहकारीले
जनाएको छ ।
३ सय ५० मिटर हेड रहेको जलविद्युत्
आयोजनाले जिरी खोला र खिम्ती
खोलाको दोभानमा बाँध निर्माण गरी ७
किलोमिटर सुरुङमार्फत् दोलखाको हावा
गाविसमा सतही पावर हाउस निर्माण गरी
विद्युत् उत्पादन गर्ने लक्ष्य लिएको छ ।
Source:-imagekhabar.com