छोरोको मृत्युको बदला लिन खाली हात कोब्रासँग भिडे पिता

(एजेन्सी) दक्षिण भारतका एक व्यक्तिले सर्पसँग खाली हात भिडेको
एउटा भिडियो युट्युवमा भाइरल बनेको छ । उक्त भिडियोमा
धोती लागाएका व्यक्तिले रुखमा रहेको विषालु किङ कोब्रालाई
खाली हात पुच्छरमा समातेर तानेर भुइँमा बारम्बार पछारेको देख्न
सकिन्छ ।
ती व्यक्तिले सात पटक उक्त सर्पलाई भुइँमा पछारेर छाड्छन् । भुइँमा
सर्प हलचल नगरी बसेको देख्न सकिन्छ । धेरैले उक्त सर्प मरेको दाबी
गरेका छन् ।
द सन पत्रिकाका अनुसार उक्त सर्पले ती व्यक्तिको छोरालाई
टोकेर मारेको हुन्छ । त्यसैको बदला लिन उनले सर्पलाई खाली हात
भिड्न पुगेका हुन् ।
उक्त भिडियो युट्युवमा राखेपछि त्यसलाई हेर्नेको संख्या ७
लाखभन्दा बढी नाघिसकेको छ ।
केहीले भने यसलाई जनवारमाथिको ज्यादती भन्दै विरोध समेत गरेका
छन् ।