नयाँ शक्तिमा ६० प्रतिशत नयाँ अनुहार हुने दाबी
बुटवल, २८ मङ्सिर । नयाँ शक्ति निर्माणका
संयोजक डा बाबुराम भट्टराईले मधेसी मोर्चासँग
सरकारले गर्ने वार्ता सार्थक बनाउन आफूले
सहयोगी भूमिका खेल्ने बताउनुभएको छ ।
उहाँले सरकारले तराई-मधेस आन्दोलनलाई सार्थक
वार्ताबाट समाधान गर्न आफूले सहयोगीमा रुपमा
काम गर्न तत्पर गरेको बताउनुभयो ।
नयाँ शक्ति निर्माण अभियान रुपन्देही जिल्ला
भेला आयोजक समितिले आज बुटवलमा आयोजना
गरेको पत्रकार भेटघाटमा नेता भट्टराईले मुलुकको
असहज परिस्थितिलाई समाधान गर्न आफू
संवेदनशील रहेको बताउनुभयो ।
सरकार मधेसी मोर्चाका जायज मागलाई सम्बोधन
गरी छिटो निकास दिन गम्भीर नभएको आरोप
लगाउँदै उहाँले यही अवस्था लम्बिदै गए स्थिति
नियन्त्रण बाहिर जानसक्ने चेतावनीसमेत दिनुभयो
।
आफूले नेतृत्व गरेको नयाँ शक्तिमा ६० प्रतिशत नयाँ
अनुहार हुने उहाँको दाबी थियो । उहाँले भन्नुभयो,
“नयाँ शक्तिलाई सोच, विचार, कार्यशैली सबै
हिसाबले जगैदेखि नयाँ बनाउने प्रयत्न हुनेछ ।” रासस
0 comments:
Post a Comment