काठमाडौँ, १४ मङ्सिर । प्रधानमन्त्री केपी शर्मा
ओलीले अहिलेको परिस्थितिमा सबै मिलेर देश
बनाउन लाग्नुपर्ने बताउनुभएको छ ।
प्रधानमन्त्री निवास बालुवाटारमा साँझ
सङ्घीय समावेशी मधेसी मोर्चाको ज्ञापनपत्र
बुझ्दै उहाँले अहिलेको समयमा आन्दोलनले कसैलाई
फाइदा नपुग्ने बताउँदै उहाँले समस्या समाधानका
लागि सबै पक्ष जिम्मेबार हुनुपर्नेमा जोड दिनुभयो
।
जनसङ्ख्याका आधारमा प्रतिनिधित्व माग
प्रधानमन्त्री ओलीले आन्दोलनरत कुनै पनि पक्षलाई
एक्ल्याएर हिँड्ने पक्षमा आफू नरहेको र
राष्ट्रहितका लागि आवश्यक जेसुकै गर्न पनि तयार
रहेको मोर्चालाई बताउनुभएको प्रधानमन्त्रीका
मुख्य सल्लाहकार विष्णुप्रसाद रिमालले
जानकारी दिनुभयो । रिमालका अनुसार
मोर्चाले प्रधानमन्त्री समक्ष यसअघि सार्वजनिक
गरेको नौबुँदे माग बुझाएको हो । उक्त मागमा
जनसङ्ख्याका आधारमा प्रतिनिधित्व, प्रदेश
सीमाङ्कनलगायत विषय छन् ।
मोर्चामा शरत्सिंह भण्डारी नेतृत्वको राष्ट्रिय
मधेस समाजवादी पार्टी, राजकिशोर यादव
नेतृत्वको मधेसी जनअधिकार फोरम नेपाल
(गणतान्त्रिक), अनिलकुमार झा नेतृत्वको नेपाल
सद्भावना पार्टी र जयप्रकाश गुप्ता नेतृत्वको
तराई-मधेस राष्ट्रिय अभियान आबद्ध छन् । मोर्चा
आबद्ध पार्टीका प्रमुखसहितको
प्रतिनिधिमण्डलले प्रधानमन्त्रीलाई ज्ञापनपत्र
बुझाएको हो । रासस
0 comments:
Post a Comment