खोरमा थुनिएका भुजेललाई कोरियाबाट सहयोग

चरीकोटः मानसिक सन्तुलन गुमाएका दोलखाको जुगु गाविस वडा नम्बर पाँचका श्यामबहादुर भुजेललाई सहयोग छुट्ने क्रम बढिरहेको छ। खर्च अभावमा १५ महिनादेखि फलामेखोरमा थुनिएको समचार अन्नपूर्ण पोस्ट् दैनिक र अन्नपूर्ण अनलाईनमा प्रकाशित भएपछि सहयोग जुट्ने क्रम बढेको हो।
समाचारकै आधारमा दक्षिण कोरीयामा रहेको दोलखाली समाजका दिपेन्द्र अधिकारीको सक्रियतामा ७० हजार ७ सय रुपैयाँ संकलन गरी बिहीबार एक कार्यक्रमकाबीच राष्ट्रिय समचार समितिका अध्यक्ष कुलचन्द्र वाग्लेले पीडितका आमालाई रकम हस्तान्तरण गरेका हुन।
मानसिक सन्तुलन गुमाएका भुजेलको हाल राजधानीमा रहेको कोशिस नेपालमा उपचार भईरहेको छ । यस अघि पनि भुजेललाई अष्ट्रेलियामा रहेका अमित रिजालले ५० हजार रुपैयाँ सहयोग गरिसकेका छन्।
अन्नपूर्ण पोस्ट्बाट