सिरहामा भीषण आगलागी, ४५ घर टहरा ध्वस्त

सिरहाः सिरहाको धनगढीमाई नपा–१३ भर्लेनीमा आज अपरन्ह भीषण आगलागी भएको छ । आगलागीबाट २५ परिवारको ४२ घर टहरा जल्दा ५० लाखभन्दा बढीको धनमाल जलेर नष्ट भएको छ ।
स्थानीय मनिकलाल यादवको घरबाट सुरुभएको आगो केहीबेरमै पुरैगाउँमा फैलिएको स्थानीय मनिया यादवले बताए ।
यादवका अनुसार आईतवार वर्तकोलागि घरमा खिर पकार्ईरहेको वेला चुल्होबाट आगो लागेको हो ।
आज विहानैदेखि तेज हावा चलेको कारण गाउँभरी केहीवेरमै आगो फैलिएको यादवले बताए । आगलागीबाट घरमा रहेको अन्नपालत, लत्ताकपडा पूर्णरुपमा जलेको आगलागी पीडितले बताएको छ ।
आगो स्थानीय बासिन्दा, जनपथ, सशस्त्र प्रहरी, नेपाली सेना र लहान नगरपालीकाको वारुण यन्त्रले नियन्त्रण लिएको छ ।
आगो नियन्त्रणमा आएको भएपनि ठाउँ ठाउँमा अझै आगो बलिरेको छ । त्यसलाई निभाउने कार्य जारी रहेको इलाका प्रहरी कार्यालय गोलबजारका प्रहरी प्रमुख इन्सपेक्टर सन्तोष निरौलाले जानकारी दिए ।
उनका अनुसार २५ परिवारका ४२ घर जलेर नष्ट भएको छ । जसमध्ये १२ परिवारको वस्ने ठाउँसमेत नभएको प्रहरीले जनाएको छ । यता प्रमुुख जिल्ला अधिकारीले वसोवासको व्यवस्था तत्काल मिलाउने कोशिस भइरहेको जनकारी दिए