नयाँदिल्ली, मंसिर १६ । उपप्रधानमन्त्री तथा परराष्ट्रमन्त्री कमल थापाले भारतको व्यवहारले दुई देशबीचको सम्बन्धको गलत परीक्षण भएको
बताएका छन् । रोटीबेटीको सम्बन्ध भन्ने तर आपूर्ति बन्द गर्ने भारतको नियत ठीक नभएको थापाको भनाइ छ ।
बेंग्लोरबाट मंगलबार साँझ पौने आठ बजे दिल्ली फर्किएका थापाले नेपाली दूतावासमा आयोजित रात्रिभोजमा भारतीय सांसद तथा
भाजपासहितका नेतालाई सम्बोधन गर्दै भारतले वीरगन्जबाहेकका नाका खोल्नुपर्ने बताए । दिल्लीस्थित नेपाली राजदूत दीपकुमार
उपाध्यायले थापाको सम्मानमा भोज आयोजना गरेका थिए ।
भाजपा नेता विजय जोली, सांसद डिपी त्रिपाठी, डी राजा, कम्युनिस्ट पार्टीका नेता सीताराम येंचुरीलगायतका नेताहरूले
थापालाई संविधानबारे जिज्ञासा राखेका थिए । भाजपाका नेताले भने मधेसीहरूको आन्दोलनको बचाउ गर्दै छिटो समाधान खोज्न
आग्रह गरेका थिए ।
थापाले बुधबार विदेशमन्त्री सुषमा स्वराज, राष्ट्रिय सुरक्षा सल्लाहकार अजित डोभाल र विदेशसचिव एस जयशंकरसँग भेटवार्ता गर्ने
कार्यक्रम छ । तर, समयबारे अबेरसम्म दूतावासले विस्तृतमा बताएको छैन ।
नेपाल र भारतको सम्बन्ध रोटीबेटीको छ, यो सही हो । तर, राजनीतिका कारण जनताले दु:ख पाउने स्वाभाविक हुँदैन । राजनीतिक कारण
देखाएर आपूर्ति रोकिदैन । त्यसकारण म र सरकारको एउटै धारणा छ, खुलेका नाकाबाट आपूर्ति सुचारु गरिदिनुस्, सहयोग गरिदिनुस् । यति
भयो भने सोचेभन्दा बढी सहयोग हुन्छ । नत्र मानवीय संकट उत्पन्न हुने भइसक्यो ।’ अाजकाे नयाँ पत्रिका दैनिकमा खबर रहेकाे छ ।
Home »
Nepali News
» दिल्लीमा उपप्रधानमन्त्री कमल थापाले भने रोटीबेटीको सम्बन्ध भन्ने,
आपूर्ति बन्द गर्ने ?
दिल्लीमा उपप्रधानमन्त्री कमल थापाले भने रोटीबेटीको सम्बन्ध भन्ने, आपूर्ति बन्द गर्ने ?
Posted by Unknown
Posted on 6:07 PM
with No comments
Labels:
Nepali News
0 comments:
Post a Comment