७ चैत, काठमाडौं । स्पेनिस ला लिगा फुटबलमा एथ्लेटिको मड्रिडले रेलिगेशन जोनमा रहेको स्पोटिङगिजोनसँग अप्रत्यासित हार व्यहोरेको छ ।
शनिबार राति भएको खेलमा जिगोनले दोस्रो स्थानमा रहेको एथ्लेटिको मडि्रडलाई २-१ ले हराएको हो । गिजोनको घरेलु मैदानमा भएको खेलमा एथ्लेटिको मड्रिडले २९ औं मिनेटमा एन्टोनी ग्रिजम्यानको गोलबाट अग्रता लिएको थियो । तर, दोस्रो हाफमा जोगाउन सकेन ।
७९ औं मिनेटमा सानब्रिआले घरेलु टोलीका लागि बराबरी गोल फर्काए भने ८९ औं मिनेटमा क्यास्ट्रो गार्सिआले गोल गर्दै २-१ को महत्वपूर्ण जित दिलाए । लिगमा ८ खेल खेल्न बाँकी छ र एथ्लेटिको मड्रिड लिग लिडर बार्सिलोना भन्दा ८ अंकले पछाडि परेको छ ।
बार्सिलोनाको २९ खेलबाट ७५ अंक छ भने एथ्लेटिको मड्रिडको ३० खेलबाट ६७ र रियल मड्रिडको २९ खेलबाट ६३ अंक छ ।
अनलाइनखबरबाट
0 comments:
Post a Comment