गलकोटमा सजीवनको तेलबाट गाडी चल्यो, कार्कीको कामको तारिफ

गलकोट,१३ मंसिर
पाल्पाका केशब कार्कीले गलकोटमा सजिवनको तेल निकालि सवारी साधन सञ्चालन गर्न सफल हुनुभएको छ । भारतले
गरेको नाकाबन्दिका कारण ईन्धन अभाव भएको समयमा गलकोटका टिकाराम गौतमले कार्कीलाई गलकोट ल्याई
सजिवलको परिक्षण गराउनुभएको थियो ।
पाल्पाको बिभिन्न जंगल बाट खोजी ल्याएको सजिवलको दाना पेलेर निकालेको तेल बाट नै सवारी धनी कार्किले
सवारी साधन संचालन गरेर गलकोटका जनता लाइ देखाउनुभएको छ । गलकोटका हरेक पाखा र पखेरमा सजिवलको खेती
गर्न लगाएर बैकल्पीक उर्जाको रुपमा विकास गर्न सकिने कार्कीको भनाई छ ।
आज बिहान जेनेरेटरमा गरिएको सफल प्रशिक्षण पछि गाडिमा प्रयोग गरिएको थियो । सजिवलबाट निकालिएको
डिजेलले गाडि राम्रोसँग चलेको गाडि चालक शेर बहादुर खत्रीले प्रतिक्रिया दिनुभएको थियो । पाल्पाका केशव
कार्कीले गलकोटमा भएका सजिवलबाट तेल निकाल्न सके गलकोट क्षेत्र मात्र नभई राज्यको बिकासले समेत गति लिने
बताउनुभएको थियो ।
कार्कीले एक थुकि सुकि हजार थुकि नदि भन्दै एक जनाले मात्र गछु भनेर हुदैन सबैले हातेमालो गर्न सके ईन्धनको अभाव नहुने
बताउनुभयो । सजिवलबाट लिकालिएको डिजेल गाडिका लागी प्रयोग गरिने र सल्लाहरुबाट पेट्रोल निकाल्न सकिने
भएकाले गलकोटमा तेल उत्पादनका लागी कच्चा पदार्थको अभाव नभएको उहाँको भनाई छ ।
सजिवलको डिजेलको सफल प्रशिक्षण पछि गलकोटका टिकाराम गौतमले अबदेखि ब्यवसायीक रुपमा सजिवलको खेति
सुरु गर्ने बताउनुभएको छ । आफनो घरबरपर खेर गईरहेको खेतबारीको सदुपयोग पनि हुने आम्दानी पनि गर्न सकिने भएपछि
अबदेखि खेति सुरु गर्छु गौतमले भन्नुभयो, आजको सफल प्रशिक्षणले मलाई थप हौसला प्रदान गरेको छ ।
सजिवलको तेलले जेनेरेटर राम्रोसँग चल्ने, डिजेल, मतितेलको जस्तो गन्ध नआउने भएका कारण पनि गलकोटमा सजिवललाई
ब्यवसायीक रुपमा सञ्चालन गर्न जरुरी भएको ज्ञान खड्काले बताउनुभयो ।